ग्रंथालय

अंतरंग ग्रंथालय

लोकसहभाग व मदतीने साकारलेल्या “अंतरंग ग्रंथालयात” चित्र, शिल्प, नृत्य, नाट्य, संगीत, उपयोजित कला, ललित कला, इतिहास, विज्ञान, अध्यात्म, मानसशास्त्र, धर्म, नीती, कायदा, इत्यादी अनेक विषयांची पुस्तके उपलब्ध आहेत; ते हि विनामूल्य!

मुक्तसंवाद

मुक्तसंवाद

वर्षभरात “मुक्तसंवाद” ह्या शीर्षकाखाली विशीष्ट विषयात निपुण, अभ्यासक, समाजसेवक, उच्च अधिकारी यांना आमंत्रित केले जाते व त्यांच्यासोबत, त्यांच्या विषयाशी संबंधित संवाद साधला जातो. आतापर्यंत इतिहास अभ्यासक श्री. अप्पा परब, सैनिक व त्यांच्या कुटुंबियांसाठी झटणाऱ्या वीरमाता श्रीम. अनुराधा गोरे, दुर्ग अभ्यासक श्री. मिलिंद पराडकर, इतिहास संशोधक श्री. श्रीदत्त राऊत, इत्यादी दिग्गजांनी संवाद साधला आहे.

इंद्रधनू कला महोत्सव

इंद्रधनू

“इंद्रधनू कला महोत्सव” ह्या कार्यक्रमात आत्तापर्यंत चित्रकार वासुदेव कामथ, सुलेखनकार अच्युत पालव, शिल्पकार चंद्रजीत यादव, व्यंगचित्रकार विकास सबनीस, चित्रकार विश्वनाथ साबळे, वारली  चित्रकार सदाशिव जिव्या म्हशे, शिल्पकार मधुकर वंजारी, चित्रकार विजय सकपाळ, शिल्पकार संदीप राऊत, चित्रकर्ती चित्रगंधा वनगा – सुतार, चित्रकार किरण गोरवाला, इत्यादी अनेक जगप्रसिद्ध कलाकारांनी आपले मार्गदर्शन व प्रात्यक्षिक सादर केले आहे.

इतर उपक्रम

इतर उपक्रम

  • कवी कट्टा
  • ज्येष्ठ कट्टा
  • उत्फूर्त जल्लोष (संगीत)
  • स्वररंग (संगीत)
  • वृक्षारोपण व वृक्षदिंडी
  • विशेष संगीत / नृत्य / नाट्य कार्यक्रम

अंतरंग चे ध्येय..

रसिक समाजाची निर्मिती

प्रत्येक व्यक्ती हि कलाकार जरी बनू शकली नाही, परंतु त्या प्रत्येकाला कलेचा आस्वाद घेता आला; तरी एका कलासक्त रसिक समाजाची निर्मिती होईल! हाच समाज आनंदी व नोकोप व्यवस्था निर्माण करू शकतो! “अंतरंग प्रतिष्ठान” ह्या रसिक समाजाच्या निर्मितीचा पाया रचते आहे.

पर्यावरण संवर्धन

उज्वल व सुदृढ भविष्यासाठी नैसर्गिक साधन संपत्तीचे संवर्धन असेच, मानवाकडून होणाऱ्या पर्यावरणाच्या ऱ्हासाचे नियंत्रण हि आजच्या काळाची प्राथमिक गरज आहे. “अंतरंग प्रतिष्ठान” पर्यावरण संगोपनाच्या कार्यासाठी सदैव प्रयत्नशील होती, आहे व राहील!

लोकसहभाग

असंख्य तरुण “अंतरंग प्रतिष्ठान” च्या समाज व पर्यावरण संवर्धनाच्या कार्यात हिरीरीने भाग घेत आहेत. आपल्या सारख्या सुज्ञ नागरिकांच्या मदतीनेच अनेक लोकोपयोगी कार्य “अंतरंग” यशस्वीपणे पार पडू शकत आहे. कृपया ह्या विधायक चळवळीत आपणही सहभागी होऊन, आपल्या पुढच्या पिढीच्या उज्वल भविष्य निर्मितीत सहभागी व्हा!

देणगी

“अंतरंग सांस्कृतिक कला दर्पण प्रतिष्ठान, सफाळे” हि ‘महाराष्ट्र शासन’ नोंदणीकृत संस्था आहे. (नोंदणी क्र. ई-९५२१/०१५, ठाणे)

आपण दिलेल्या देणगीतूनच अनेक यशस्वी उपक्रम राबविण्यात येत आहेत. ह्या समाजकार्यासाठी व पर्यावरण संगोपनासाठी “अंतरंग” ला आपल्या आर्थिक मदतीची आवश्यकता आहे.

 

BANK DETAILS:
A/c Name: ANTARANG SANSKRUTIK KALA DARPAN PRATISHTHAN
Bank: BANK OF BARODA
A/c No.: 490201 0000 4474
IFSC No.: BARB0SAPHAL

arms-bonding-closeness-1645634

आगामी उपक्रम

‘अंतरंग ग्रंथालय’

posted on March 18, 2019

आपण मराठी जन खूप नशीबवान आहोत की आपल्या महाराष्ट्राला बहुमोल अशा विचारवंतांच्या, लेखकांच्या, कवीं, साधू-संत, नेत्यांच्या विचारांचे विचारधन लाभलेले आहे. या महाराष्ट्राने असंख्य प्रयत्नशील, प्रचंड ईच्छाशक्ती असलेले, अभ्यासू, सर्वस्पर्षी व्यक्तिमत्व दिलेली आहेत आणि अजुनही देत आहेत. अशा विचारवंतांचे विचारधन मुक्तपणे उपलब्ध करुन देण्याचा हा प्रयत्न असून असंख्य नेते, कवी, लेखक, कलाकार, विचारवंत, साहित्यीकांचे विचार ग्रंथालयाच्या माध्यमातून सफाळ्यामध्ये अंतरंग सांस्कृतिक कला दर्पण प्रतिष्ठान “अंतरंग ग्रंथालय” च्या माध्यमातून उपलब्ध करुन देत आहे.ते हि अगदी विनामुल्य!

वृक्ष लागवड व संवर्धन

posted on January 12, 2019

आगामी काळात महाराष्ट्र शासनाच्या ‘सामाजिक वनीकरण’ ह्या उपक्रमात खारीचा वाटा म्हणून “अंतरंग प्रतिष्ठान” मागील काही वर्षांपासून सफाळे परिसरातील विविध ठिकाणी वृक्ष लागवडीचे कार्य करीत आहे. भविष्यात परिसरातील वृक्षमित्र व वृक्ष अभ्यासक यांच्या मदतीने दुर्मिळ व औषधी झाडांची बाग बनवता यावी ह्यासाठी “अंतरंग” प्रयत्नशील आहे.

इंद्रधनू कला महोत्सव २०१९

posted on October 30, 2018

इंद्रधनू कला महोत्सव २०१९ : दर वर्षी साजरा होणाऱ्या ह्या महोत्सवात चित्र, शिल्प, नृत्य, नाट्य, रांगोळी, सुलेखन, कुंभारकाम, गायन, वादन, छायाचित्रण, इत्यादी अनेक कला शाखेचे मार्गदर्शन व प्रात्यक्षिक सादर केले जाते.

“इंद्रधनू २०१९” चे स्थळ व तारीख लवकरच जाहीर होईल.